Kvikmyndavefurinn
English

Iceland Food Centre

Þetta er mynd um hvernig lítið land vill sigra heiminn með stórar hugmyndir. Það var Sólveig Ólafsdóttir sagnfræðingur sem fann harmsögu Iceland Food Centre í skjalageymslum Fármálaráðuneytisins. Þessi fyrsta íslenska útrás vakti forvitni hennar, veitingastaður í hjarta London og íslenska ríkið aðaleigandi. Markmiðið var háleitt, að kynna íslenskan mat og matargerð fyrir íbúum heimsborgarinnar. Staðurinn opnaði eftir þriggja mánaða seinkun vegna rándýrra breytinga á húsnæðinu, í desember 1965. Haldin var vegleg opnunarveisla, en reksturinn gekk frá upphafi mjög illa. Í lok árs 1966 var skipt um framkvæmdastjóra og eftir það fór reksturinn endanlega í vaskinn. Indverskur kokkur bar fram hangikjöt með frönskum kartöflum og kvörtunum rigndi yfir starfsfólkið. Staðnum var svo lokað í júní 1967 og ríkið sat uppi með ærinn kostnað.

Aðstandendur og starfslið

Um myndina

  • Flokkur
    Heimildamynd
  • Frumsýnd
    24. apríl, 2011
  • Lengd
    80 mín.
  • Tungumál
    Íslenska
  • Titill
    Iceland Food Centre
  • Alþjóðlegur titill
    Iceland Food Centre
  • Framleiðsluár
    2011
  • Framleiðslulönd
    Ísland
  • KMÍ styrkur
    Já

Fyrirtæki