Kvikmyndavefurinn
English

Sigtið án Frímanns Gunnarssonar

1. þáttur fjallar um vitann. Frímann hyggur á að gefa út bók. Til að fá næði til skrifta fer hann í vita úti á landi þar sem hann hittir fyrir furðufuglinn Val vitavörð. Fjarvera hans frá sjónvarpsþættinum verður til þess að hann missir þáttinn í hendurnar á Páli Bjarna.

2. þáttur fjallar um Háskólann. Þar beitir Frímann brögðum til þess að koma sér að sem kennari í fjölmiðlafræði við Háskóla Íslands.

3. þáttur fjallar um börn. Frímann telur að honum verði gert ókleift að eignast börn í framtíðinni. Þetta veldur miklu fjaðrafoki í lífi Frímanns, sérstaklega vegna þess að átrúnaðargoð hans, tónlistarmaðurinn Kári Brands, hefur nýlega eignast barn.

4. þáttur fjallar um fórnarlambið. Frímann reynir hvað eftir annað að ná sambandi við stöðvarstjóra til að fá nýjan sjónvarpsþátt. Endar það með því að Frímann treður sér inn í knattspyrnuleik og fer m.a í hár saman við Pál Bjarna.

5. þáttur fjallar um sambönd. Séð og Heyrt birtir myndir sem gefa það til kynna að Frímann sé samkynhneigður. Frímann beitir ýmsum ráðum í tilraun sinni til þess að afsanna það.

6. þáttur fjallar um listalestina. Eftir að skáldið Anton Garðar kemst ekki til þess að taka þátt í listalestinni býðst Frímanni að taka þátt í henni. Þar fer hann halloka fyrir Flippskunkunum sem verður til þess að Frímann reynir að höfða meira til ungu kynslóðarinnar.

7. þáttur fjallar um viðurkenningu Frímanns. Frímann fær loksins viðurkenningu fyrir sín góðu störf, eða hvað?

8. þáttur er aukaþáttur og fjallar um leikrit. Frímanni tekst að fá leikhús til þess að setja upp leikrit sem hann skrifaði, „Inspectum Est Humanum“. Það gengur erfiðlega vegna þátttöku Frímanns í undirbúningi sýningarinnar og endar með ósköpum.

Aðstandendur og starfslið

Um myndina

  • Flokkur
    Leikið sjónvarpsefni
  • Frumsýnd
    26. október, 2006
  • Tegund
    Gaman
  • Lengd
    200 mín.
  • Tungumál
    Íslenska
  • Titill
    Sigtið án Frímanns Gunnarssonar
  • Alþjóðlegur titill
    Sigtið án Frímanns Gunnarssonar
  • Framleiðsluár
    2006
  • Framleiðslulönd
    Ísland
  • Frumsýningarstöð
    SkjárEinn
  • Fjöldi þátta í seríu
    8
  • IMDB
  • KMÍ styrkur
    Já
  • Upptökutækni
    DVCAM
  • Litur
    Já

Leikarar

Fyrirtæki

Þátttaka á hátíðum

  • 2007
    Edduverðlaunin / Edda Awards - Verðlaun: Tilnefndur fyrir leikara ársins í aðalhlutverki (Gunnar Hansson). Tilnefndur sem leikið sjónvarpsefni ársins.

Útgáfur

  • Sena, 2007