English

Ómur af söng

Aðalpersónan í myndinni er Guðný Þórðardóttir, heillandi 93 ára gömul kona á hjúkrunardeild Hrafnistu í Hafnarfirði. Hún segir rottusögur frá heimaslóðum á Norðfirði, málar og syngur í kórnum, áformar að setja á svið leikþátt og leiða aðalhlutverkið. Við kynnumst Sigurði Ólafssyni sem segist vera kominn í Paradís og Klöru Tryggvason sem fær sínar heimsóknir í pökkum og símtölum, því flest barna hennar búa erlendis. Við lítum inn til Leifs Eiríkssonar sem breytir athöfninni að búa um rúmið sitt í leikfimiæfingar. Guðný hefur ekki lært nema Faðir vorið og Biblíusögurnar, en hún hefur næma frásagnargáfu og býr yfir visku kynslóðanna. „Afhverju má ekki tala um dauðann?“, segir hún. „Barnabörnin spyrja mig: Amma, ertu viss um að þú verðir hjá Guði? Ég svara: Já ég er alveg viss um það“.

Um myndina

  • Flokkur
    Heimildamynd
  • Lengd
    58 mín.
  • Tungumál
    Íslenska
  • Titill
    Ómur af söng
  • Alþjóðlegur titill
    Songbirds
  • Framleiðsluár
    2005
  • Framleiðslulönd
    Ísland
  • KMÍ styrkur
  • Litur

Aðstandendur og starfslið

Fyrirtæki

Útgáfur

  • Kvikmynd, 2005 - DVD
  • Kvikmynd, 2005 - VHS