Leitarskilyrði

Norð Vestur, björgunarsaga
Norð Vestur, björgunarsaga

Norð Vestur, björgunarsaga

Umkringd fallegri náttúru, sem meðal annars hefur laðað fólk til búsetu, verður Flateyri árið 1995 fyrir einu af stærstu snjóflóðum í sögu landsins sem fallið hefur á byggð.

Söguþráður

Norð Vestur rekur atburðarrás björgunaraðgerða á Flateyri eftir að mikið snjóflóð féll á bæinn aðfaranótt 26. október árið 1995. Áður en aðstoð barst Flateyringum voru þeir einir í nærri fimm klukkustundir að leita, finna og grafa upp nágranna sína, vini og ættingja - og skipuleggja aðgerðir. Margar hindranir voru í vegi björgunarsveita úr nágrannabyggðum og af landinu öllu, bæði veðurofsi og snjóflóðahætta. Snjóflóðið reyndist eitt mannskæðasta snjóflóð á Íslandi og markaði árið 1995 tímamót í hamfarasögu landsins, en alls fórust 35 manns í flóðum það ár.

Þessi einstæði atburður er mörgum í fersku minni, en frá honum segja yfir 40 einstaklingar; heimafólk frá Flateyri, aðstandendur, björgunar- og fjölmiðlafólk og fjöldi þjóðþekktra Íslendinga. Einnig segja sögu sína einstaklingar sem lentu í flóðinu og voru grafnir undir snjó í allt að níu klukkustundir.

Um myndina

  • Flokkur: Heimildamynd
  • Frumsýnd: 22. október, 2010, Bíó Paradís
  • Lengd: 100 mín.
  • Tungumál: Íslenska
  • Titill: Norð Vestur, björgunarsaga
  • Alþjóðlegur titill: 66/23 North West, The Day of the Avalanche
  • Framleiðsluár: 2010
  • Framleiðslulönd: Ísland
  • Vefsíða: www.passportpictures.is/anotherTemp
  • KMÍ styrkur: Já
  • Upptökutækni: HD
  • Myndsnið: 16:9
  • Litur: Já
  • Hljóð: Stereo

Aðstandendur og starfslið

Fyrirtæki


Þetta vefsvæði byggir á Eplica