Leitarskilyrði

Villiljós
Villiljós

Villiljós

Ólétt stúlka festist í hraðbanka um leið og hún fær hríðir. Líkbílstjóri berst við draug með hjálp páfagauks og hefur ofsaakstur um dimmar göturnar. Rómantískt kvöld nýtrúlofaðs pars fer út um þúfur þegar eldri hjón taka að leggja þeim lífsreglurnar. Og flugvél með hljómsveit innanborðs villist af leið á meðan tónlistarmennirnir, eins og aðrir þetta kvöld, reyna að sjá ljósið í myrkrinu.

Söguþráður

Það er kvöld í Reykjavík. Lífhræddur líkbílstjóri ekur stefnulaust um borgina eftir að kærastan sagði honum upp. Hann ýmist rífst við páfagaukinn sinn eða leitar félagsskapar í látnum farþega og rembist jafnframt við að hætta að reykja til að sanna að hann geti enn tekið ákvarðanir og staðið við þær.

Þrjár ófrískar unglingsstúlkur sitja inni í spilasal og ræða saman um móðurhlutverkið og það sem framundan er. Á meðan að innra með þeim vex nýtt líf er margt í þeirra eigin umhverfi að breytast eða þurrkast út. Þær vita ekki í hvorn fótinn þær eiga að stíga og íhuga hvort þær eigi að gangast við breyttum aðstæðum eða ekki.

Ungt par sem horfist í augu við allt nema hvort annað reynir að viðhalda glóðinni í sambandinu með því að trúlofa sig á fínum veitingastað. Rómantíkinni er skyndilega svipt í burtu þegar miðaldra hjón birtast við borð þeirra í leit að félagsskap. Umræður fjórmenningana taka að snúast um nakinn og niðurdrepandi raunveruleikann, játningar, særindi og svívirðingar taka við af sykursætum orðaleikjum.

Hljómsveit situr í flugvél á leið til Reykjavíkur eftir síðasta balltúr. Höfuð bandsins er lifuð, fertug poppstjarna sem hangir í heimsfrægðardraumum eins og hundur á roði. Það skapast upplausnarástand meðal hljómsveitarliða þegar söngvarinn ákveður að hætta og fara að sinna kærustu og væntanlegu barni sínu. Hótanir fjúka í hita leiksins og í flugstjórnarklefanum er ástandið lítið betra.

Ungur fullkomnunarsinni kemur að kærustunni í rúminu með blindum manni. Hún hafði hjálpað honum yfir götu og síðan leitt hann upp í rúm. Kærastinn gerir sig líklegan til að henda honum út en endar á því að sitja undir stýri, ringlaður og niðurbrotinn með blinda manninn aftur í og kærustuna við hlið sér – á leiðinni að keyra þann blinda heim.

Þetta eru fimm sögur, fléttaðar saman í eina mynd.

Um myndina

  • Flokkur: Kvikmynd
  • Frumsýnd: 19. janúar, 2001
  • Tegund: Drama, Gaman
  • Lengd: 80 mín.
  • Tungumál: Íslenska
  • Titill: Villiljós
  • Alþjóðlegur titill: Dramarama
  • Framleiðsluár: 2001
  • Framleiðslulönd: Ísland, Noregur, Þýskaland
  • IMDB: Villiljós
  • Vefsíða: http://zikzak.is/dramarama/
  • KMÍ styrkur: Já
  • Upptökutækni: 35mm
  • Myndsnið: 1.85:1
  • Litur: Já
  • Hljóð: Dolby
  • Sýningarform og textar: 35mm filma með enskum textum -

Aðstandendur og starfslið

Leikarar

Fyrirtæki

Þátttaka á hátíðum

  • Göteborg Film Festival, 2001
  • Haugasund, 2001
  • Edduverðlaunin / Edda Awards, 2001 - Verðlaun: Tilnefnd sem Bíómynd ársins.Tilnefnd fyrir handrit ársins (Huldar Breiðfjörð). Tilnefnd fyrir leikari ársins í aukahlutverki (Björn J. Friðbjörnsson).
  • Nordic Film Days, Lübeck, 2001

Útgáfur

  • Háskólabíó, 2001 - VHS

Þetta vefsvæði byggir á Eplica