Leitarskilyrði

Svartir englar
Svartir englar

Svartir englar

Svartir englar er íslensk spennuþáttaröð byggð á bókunum Skítajobb og Svartir Englar eftir Ævar Örn Jósepsson. Sagan gerist í Reykjavík nútímans og eru höfuðpersónur þáttaraðarinnar lögreglumennirnir Stefán, Katrín, Árni og Guðni. Þau eru sammála um að á Íslandi sé allt að fara til fjandans og að starf þeirra sé einungis til málamynda og megi sín lítils í báráttu við ört vaxandi glæpaöldu.

Söguþráður

Í undirheimum Íslands tíðkast ekki bara smáglæpir og fjölskyldutengd afbrot, heldur hættulegri glæpir sem jafnvel er stýrt af kunnáttumönnum með tengsl við alþjóðlega glæpahringi. Örvæntingafull barátta lögreglunnar við mjög erfiðar aðstæður er undirliggjandi tónn þáttaraðarinnar. Innri barátta aðalpersónanna og veikleikar þeirra setja svip á söguna auk þeirrar tilfinningar að það sé skítajobb að vera í lögreglunni.

Í fyrri hluta þáttaraðarinnar segir frá eiganda auglýsingastofu, manni á fimmtugsaldri sem finnst látinn fyrir utan fjórtán hæða blokk þar sem hann bjó. Ljóst er að hann hefur hrapað niður af svölunum. Fjóreykið hefur rannsókn og læðist fljótt að þeim sá grunur að honum hafi verið hjálpað niður. Þegar lögreglufólkið er við það að leysa gátuna kemur upp nýtt mál sem reynist öllu flóknara. Um er að ræða hvarf konu, Birgittu, kerfisfræðings sem virðist vera flækt í dularfullt verkefni.

Um myndina

  • Flokkur: Leikið sjónvarpsefni
  • Frumsýnd: 21. september, 2008
  • Tegund: Spenna, Glæpa
  • Tungumál: Íslenska
  • Titill: Svartir englar
  • Alþjóðlegur titill: Black Angels
  • Framleiðsluár: 2008
  • Framleiðslulönd: Ísland
  • Frumsýningarstöð: RÚV
  • Fjöldi þátta í seríu: 6
  • IMDB: Svartir englar
  • Vefsíða: http://www.sagafilm.is/is/framleidsla/grein/item7168/
  • KMÍ styrkur: Nei
  • Byggt á : Skáldsögu
  • Titill upphafsverks: Skítajobb og Svartir englar
  • Upptökutækni: HD
  • Litur: Já

Aðstandendur og starfslið

Leikarar

Fyrirtæki

Þátttaka á hátíðum

  • Edduverðlaunin / Edda Awards - Verðlaun: Tilnefnd fyrir leikkonu ársins í aðalhlutverki (Sólveig Arnardóttir). Tilnefnd sem leikið sjónvarpsefni ársins.

Útgáfur

  • Sena, 2008 - DVD

Þetta vefsvæði byggir á Eplica