Leitarskilyrði

Bjarnfreðarson
Bjarnfreðarson

Bjarnfreðarson

Kvikmyndin Bjarnfreðarson er sjálfstæður lokakafli hinnar geysivinsælu og margverðlaunuðu Vaktaseríu. Bjarnfreðarson tekur upp þráðinn nokkrum árum eftir Fangavaktina, þar sem Georg losnar úr fangelsi. Georg á vitaskuld erfitt með að aðlagast lífinu fyrir utan veggi Litla Hrauns og neyðist til að flytja inn til Daníels eftir að móðir hans, Bjarnfreður, hafnar honum. Það verður svo allt vitlaust þegar Ólafur, sem býr hjá Daníel eins og ódæll unglingur, kemst að því að gamli yfirmaður hans er mættur á svæðið á nýjan leik.

Söguþráður

Kvikmyndin Bjarnfreðarson er sjálfstæður lokakafli hinnar geysivinsælu og margverðlaunuðu Vaktaseríu og það allra síðasta sem við munum sjá af þeim kumpánum Georgi Bjarnfreðarsyni (Jón Gnarr), Ólafi Ragnari (Pétur Jóhann Sigfússon) og Daníel Sævarssyni (Jörundur Ragnarsson), sem saman hafa eldað grátt silfur í Nætur- Dag- og Fangavaktinni.

Myndin Bjarnfreðarson tekur upp þráðinn nokkrum árum eftir Fangavaktina, þar sem Georg losnar úr fangelsi. Georg á vitaskuld erfitt með að aðlagast lífinu fyrir utan veggi Litla Hrauns og neyðist til að flytja inn til Daníels eftir að móðir hans, Bjarnfreður (Margrét Helga Jóhannsdóttir) hafnar honum. Það verður svo allt vitlaust þegar Ólafur, sem býr hjá Daníel eins og ódæll unglingur, kemst að því að gamli yfirmaður hans er mættur á svæðið á nýjan leik.

Eins og gefur að skilja er kominn tími á uppgjör. Þremenningarnir eru allir á ákveðnum tímamótum í lífinu; Georg leitar uppruna síns, Ólafur finnur loksins rétta hillu í lífinu og Daníel þarf að horfast í augu við erfiðan sannleik um sjálfan sig. Samsíða þessu fá áhorfendur að kynnast uppvaxtarárum Georgs og hvernig hann, þökk sé pólitísku uppeldi Bjarnfreðar (Ágústa Eva Erlendsdóttir leikur Bjarnfreði á yngri árum), endaði sem það skrímsli sem áhorfendur hafa kynnst í Vöktunum. Þessir þræðir fléttast svo saman í eina stórskemmtilega sögu, sem hefur að geyma fjölmargar og óvæntar uppljóstranir.

Bjarnfreðarson er leyfð öllum aldurshópum og virkar sem sjálfstætt verk, þó vitaskuld fái dyggir fylgjendur Vaktanna meira fyrir sinn snúð.

Um myndina

  • Flokkur: Kvikmynd
  • Frumsýnd: 26. desember, 2009, Háskólabíó
  • Tegund: Drama, Gaman
  • Lengd: 105 mín.
  • Tungumál: Íslenska
  • Titill: Bjarnfreðarson
  • Alþjóðlegur titill: Mr. Bjarnfredarson
  • Framleiðsluár: 2009
  • Framleiðslulönd: Ísland
  • IMDB: Bjarnfreðarson
  • Vefsíða: www.sagafilm.is/en/bjarnfredarson
  • KMÍ styrkur: Já
  • Upptökutækni: RED
  • Myndsnið: 2.35:1
  • Litur: Já
  • Hljóð: Dolby
  • Sýningarform og textar: 35mm filma með enskum textum - DigiBeta með enskum textum - HDCAM með enskum textum -35mm film with English sub. -

Aðstandendur og starfslið

Leikarar

Fyrirtæki

Þátttaka á hátíðum

  • Iceland Sounds & Sagas, Turku, Finnlandi, 2016
  • Nordic Film Days, Kalingrad, 2011
  • Taste of Iceland, Baltimore, 2011
  • Edduverðlaunin / Edda Awards, 2010 - Verðlaun: Kvikmynd ársins. Leikari ársins í aðalhlutverki (Jón Gnarr, einnig verðlaunaður fyrir Fangavaktina). Handrit ársins (Jóhann Ævar Grímsson, Jón Gnarr, Jörundur Ragnarsson, Pétur Jóhann Sigfússon, Ragnar Bragason). Kvikmyndataka ársins (Bergsteinn Björgúlfsson). Búningar ársins (Helga Rós V Hannam, einnig verðlaunuð fyrir Fangavaktina). Leikstjóri ársins (Ragnar Bragason, einnig verðlaunaður fyrir Fangavaktina). Tilnefnd fyrir leikkonu ársins í aðalhlutverki (Margrét Helga Jóhannsdóttir, einnig tilnefnd fyrir Fangavaktina). Tilnefnd fyrir leikkara ársins í aðalhlutverki (Pétur Jóhann Sigfússon, Jörundur Ragnarsson einnig tilnefndir fyrir Fangavaktina). Tilnefnd fyrir leikmynd ársins (Júlía Embla Katrínardóttir, Sveinn Viðar Hjartarson). Tilnefnd fyrir gervi ársins (Áslaug Dröfn Sigurðardóttir).
  • Göteborg International Film Festival, 2010
  • Berlin International Film Festival, 2010
  • Montreal World Film Festival, 2010
  • Mill Valley Film Festival, 2010
  • Molodist International Film Festival, 2010

Sýningar í kvikmyndahúsum

  • Ísland: Sambíóin Álfabakka, 2010
  • Ísland: Sambíóin Kringlunni, 2010
  • Ísland: Sambíóin Akureyri, 2010
  • Ísland: Bíó Paradís, 2011

Útgáfur

  • SAM myndir, 2010 - DVD

Þetta vefsvæði byggir á Eplica