Leitarskilyrði

Fíaskó
Fíaskó

Fíaskó

Fíaskó gerist í Reykjavík nútímans og í myndinni tvinnast saman sögur af Bardalfjölskyldunni, laumuspili fólksins og fáránlegum uppákomum á einum sólarhring í lífi þess.

Söguþráður

Það má vera að þau líti út fyrir að vera venjulegt fólk, en það er örend fatafella í nuddpottinum hjá trúboðanum og allt er þetta eitt heljarinnar Fíaskó.

Karl er ellilífeyrisþegi og gengur með grasið í skónum á eftir gamalli kvikmyndastjörnu sem þjáist af minnisleysi og tíðum geðsveiflum. Tilfinningar hennar í garð Karls sveiflast á milli væntumþykju og fyrirlitningar en hann er staðráðinn í að ná ástum hennar með öllum ráðum, jafnvel með því að ræna banka.

Júlía, barnabarn Karls, er ófrísk og er með tvo menn í takinu: Gulla, sem er meðaljón og bankastjóri og Hilmar, villtan sjómann. Annar þeirra býður henni lífsþægindi og öryggi, hinn ástríðu og fjör. En hvorn þeirra velur hún - ef hún kærir sig um annan hvorn þeirra? Og hver er faðirinn? Og er hún í alvörunni ófrísk?

Bara að Steingerður, mamma Júlíu, vissi af þessu en hún er of upptekin af sínum eigin hugðarefnum. Hún dýrkar trúboðann Salómon, hrífandi mann sem drekkur allt of mikið og lendir í því að dauð fatafella finnst í nuddpottinum hans eftir sérlega fjöruga nótt úti á lífinu. Steingerður verður vitorðsmaður hans. Þau ákveða að koma líkinu fyrir í bílskottinu og kasta því síðan í sjóinn. Allt gengur samkvæmt áætlun þangað til bílnum er stolið. Brautir persónanna skerast þegar líður á myndina og loks fléttast þræðirnir þrír saman í kraftmiklum lokakafla þar sem ýmislegt kemur á óvart.

Um myndina

  • Flokkur: Kvikmynd
  • Frumsýnd: 10. mars, 2000
  • Tegund: Gaman, Drama
  • Lengd: 92 mín.
  • Tungumál: Íslenska
  • Titill: Fíaskó
  • Alþjóðlegur titill: Fiasco
  • Framleiðsluár: 2000
  • Framleiðslulönd: Ísland, Danmörk, Þýskaland
  • IMDB: Fíaskó
  • Vefsíða: http://zikzak.is/fiasco/
  • KMÍ styrkur: Já
  • Upptökutækni: 35mm
  • Myndsnið: 1.85:1
  • Litur: Já
  • Hljóð: Dolby Stereo SR
  • Sýningarform og textar: 35mm filma með enskum textum - 35mm filma með portugölskum texta textum -

Aðstandendur og starfslið

Leikarar

Fyrirtæki

Þátttaka á hátíðum

  • Ultima Thule, ýmsir sýningarstaðir, Pólland, 2016
  • Göteborg International Film Festival, 2001
  • Hawaii International Film Festival USA, 2001
  • Jeonju International Film Festival S-Korea, 2001
  • Shadowline Salerno Film Festival Italy, 2001
  • Troia International Film Festival Portugal, 2001
  • Shanghai International Film Festival China, 2001
  • Haugesund Film Festival, 2000
  • Raindance Film Festival (England), 2000
  • Miro Vision Film Festival (S-Korea), 2000
  • Sao Paulo International Film Festival, 2000
  • Cairo International Film Festival, 2000 - Verðlaun: Ragnar Bragason hlaut "Special Mention for artistic contribution). Tilnefnd til Gyllta pýramídans (Ragnar Bragason).
  • Mannheim-Heidelberg International Film Festival, 2000
  • Edduverðlaunin / Edda Awards, 2000 - Verðlaun: Hljóð ársins (Kjartan Kjartansson, einnig fyrir 101 Reykjavik, Myrkrahöfðinginn og Engla Alheimsins). Kristbjörg Kjeld tilnefnd sem leikkona í aukahlutverki.

Útgáfur

  • Háskólabíó, 2000 - VHS

Þetta vefsvæði byggir á Eplica