Leitarskilyrði

Búðin - Þar sem tíminn stendur í stað
Búðin - Þar sem tíminn stendur í stað

Búðin - Þar sem tíminn stendur í stað

Bjarni Haraldsson, 83 ára kaupmaður á Sauðárkróki, stendur enn vaktina í búðinni, sem foreldrar hans stofnuðu á Sauðárkróki árið 1919. Búðin er sú síðasta sinnar tegundar á Íslandi og þeir sem ganga þar inn ferðast áratugi aftur í tímann. Kynnast tíðarandanum eins og hann var á “Gamla Íslandi” þegar fólk gaf sér tíma fyrir náungann.

Söguþráður

Verzlunin H. Júlíusson á Sauðárkróki er annað og meira en lítil nýlendurvöruverslun. Þetta er síðasta verslun sinnar tegundar á Íslandi. Sá sem kemur inn í búðina getur ferðast í huganum áratugi aftur í tímann. Kaupmaðurinn í búðinni er 83 ára gamall. Hann selur allt milli himins og jarðar en verslunin hefur lítið breyst frá því að faðir hans stofnaði hana árið 1919.

Innréttinarnar í búðinni eru nánast eins og þær voru á fyrrihluta síðustu aldar, líkt og gamla viktin á búðarborðinu. Í búðinni er hægt að kaupa flesta hluti sem mann vantar. Tekatla, pakkasúpur, vinnubuxur, batterí, skrúfur, grillkol og sleikibrjóstsykur. Bjarni stendur enn vaktina á bak við búðarborðið, spjallar við viðskiptavinina og selur enn meira fyrir vikið.

Bjarni leiðir áhorfandanum fyrir sjónir hvernig nýlenduvöruverslun var í gamla daga, þegar matvara var geymd í sekkjum og afgreidd í lausu upp úr skúffum verslunarinnar.

Við kynnumst líka vinum Bjarna, sem eru hópur af gömlum mönnum sem koma í morgunkaffi í búðina og spjalla um liðna tið. Um fallega bíla og brennivínsdrykku og gömul ævintýri. Á sama hátt kynnumst við nágrönnum öldungsins og fjölskyldu.

Í heimildarmyndinni Búðinni ferðumst við með Bjarna aftur í tímann og kynnumst tíðarandanum eins og hann var á “Gamla Íslandi” þegar fólk gaf sér tíma fyrir náungann og hlustaði þegar einhverjum lá eitthvað á hjarta.

Búðin er hlý, fyndin og hjartnæm mynd sem tekur áhorfandan með í ferðalag aftur til hinna gömlu góðu daga á Íslandi.

Um myndina

  • Flokkur: Heimildamynd
  • Frumsýnd: 28. september, 2013, Háskólabíó
  • Lengd: 53 mín.
  • Tungumál: Íslenska
  • Titill: Búðin - Þar sem tíminn stendur í stað
  • Alþjóðlegur titill: The General Store
  • Framleiðsluár: 2013
  • Framleiðslulönd: Ísland
  • Vefsíða: skottafilm.com
  • KMÍ styrkur: Já
  • Upptökutækni: HD
  • Litur: Já
  • Hljóð: Stereo
  • Sýningarform og textar: DCP

Aðstandendur og starfslið

Fyrirtæki

Þátttaka á hátíðum

  • Nordic Lights Film Festival, Seattle, 2015
  • Nordic/Docs, 2014
  • Reykjavík International Film Festival, 2013

Þetta vefsvæði byggir á Eplica