Leitarskilyrði

Hús í svefni
Hús í svefni

Hús í svefni

Kvikmyndin Hús í svefni er í Kammerspiel-stíl (stofuleikur), gerð eftir frumsömdu handriti Guðmundar Kamban og fjallar verkið um ógæfulegar ástir.

Söguþráður

Myndin er sett upp sem draumur. Roskinn maður ekur snemma morguns upp að húsi nokkru, opnar útidyrnar með lykli og sest í stól í forstofunni. Síðan birtast á hvíta tjaldinu minningar hans frá þeim árum sem liðin eru frá því að hann hvarf á braut úr þessu húsi með heimasætuna forðum. Hjónaband þeirra fór út um þúfur og fyrirtæki hans á hausinn og hvort í sínu lagi lentu þau hjá margháttuðum píslum og að lokum iðrast hún þess sérlega að hafa yfirgefið hann. Þegar íbúar hússins vakna að morgni er maðurinn látinn í stólnum en úr andliti hans skín hin langþráða fyrirgefning handa eiginkonunni fyrrverandi, sem búsett hefur verið á æskuheimili sínu síðustu árin.

Með kvikmyndinni vildi Guðmundur Kamban leggja áherslu á að rithöfundar semdu kvikmyndir í stað þess að semja fyrst bókmenntaverk, sem síðan þyrfti að umbreyta í kvikmynd. Sex manna hljómsveit aðstoðaði við sýninguna og þótti hún söguleg, vegna þess að Hús í svefni var fyrsta kvikmyndin sem Íslendingur hafði samið og stjórnað sjálfur.

Um myndina

  • Flokkur: Kvikmynd
  • Frumsýnd: 9. október, 1926
  • Tegund: Drama
  • Lengd: 73 mín.
  • Titill: Hús í svefni
  • Alþjóðlegur titill: Det Sovende Hus
  • Framleiðsluár: 1926
  • IMDB: Hús í svefni
  • KMÍ styrkur: Nei
  • Upptökutækni: 35mm
  • Litur: Svarthvítur

Aðstandendur og starfslið

Leikarar

Fyrirtæki

Sýningar í kvikmyndahúsum

  • Ísland: Nýja Bíó, 1927
  • Ísland: Nýja Bíó, 1981
  • Ísland: Bæjarbíó Hafnarfirði, 2006

Þetta vefsvæði byggir á Eplica